June 12, 2022 | Masaya at sama-samang binigyang pugay ng Bayan
ng Pagbilao ang ika-124 Anibersaryo ng ARAW NG KALAYAAN sa pangunguna ni
Mayor Shierre Ann Portes-Palicpic.
Pinasimulan ang
unang bahagi ng programa sa pamamagitan ng mga panalangin sa pamumuno nina Rev.
Pastor Bernardo Merle ng Lord of Harvest Church; Imam Jopaysal Ahijul ng Masjid
Al Rawdah; at Rev. John C. Añago ng St. Cathering of Alexandria.
Nagbigay sigla ang
Talipan National High School Drum and Lyre Band sa pag-awit ng Philippine
National Anthem na sinundan naman ng Panunumpa sa Watawat, Lalawigan ng Quezon
at Himno ng Papag at Bilao.
Sa mensahe ni
Mayor Palicpic, naniniwala siya na ang nakaraang halalan ay isang malinaw na
pagpapakita na ang kalayaan ay buhay at iginagalang sa bayan ng Pagbilao, ang
Kalayaang pumili ng mga lider. Kasabay nito ang kalayaan ng bawat isa sa atin
na gamitin ang Kalayaan sa pagsasalita upang hikayatin ang nakararami na maging
kaisa ng pamahalaan sa pagsunod sa mga batas at alituntunin na umiiral.
Dagdag pa ng
Punong Bayan sa kanyang pananalita na ang "Kalayaan na paggamit ng
pagkilos, na ang pagkilos na ito ay kasabay lagi ang paggalang sa pagkilos ng
iba. Pagkilos na isinasaalang-alang hindi lamang ang sarili, hindi lamang ang
pamilya pero pagkilos para sa iisang tunguhin at landasin na tayo ay magkasama
sa anumang laban at hamon ng buhay."
Binigyang diin ni
Dra. Maria Cindy Mendioro Martinez na nagsilbing panauhing tagapagsalita at
isang General Pediatrician kung ano ang hamon ng makabagong panahon na nakaangkla
sa tema ngayong taon na "Kalayaan 2022: Pag-usong sa Hamon ng Panibagong
bukas". Ayon sa kanya, sa mahigit na tatlong taon mula ng mag-umpisa ang
pandemya bunsod ng COVID-19 ay maraming pagbabago ang naganap hindi lamang sa
Pilipinas bagkus sa buong mundo.
Kaalinsabay nito,
ginawaran ng pagkilala ang mga opisyales ng Sangguniang Bayan 2019-2022 at si
Mayor Shierre Ann Portes-Palicpic para sa kanilang natatanging serbisyo
ipinamalas na magiging bahagi ng kasaysayan ng Pagbilao.
Aktibo ring
nakiisa sa nasabing pagdiriwang ang Sangguniang Bayan Members, Department
Heads, mga Punong Barangay at ilang Barangay Officials, School Heads at mga
guro mula sa iba't ibang pampribado at pampublikong paaralan at LGU Employees
na nagpakita ng buong pusong pagmamahal sa bayan at sa bansang Pilipinas.
Kayang Kaya Basta't Sama-sama!
#PagbilaoWINS #SerbisyongPalicpic
Tingnan ang iba pang larawan: https://bit.ly/3b4mXQQ