Matagumpay na isinagawa ang
programang paghahatid ng ayudang handog ng Pamahalaang Panlalawigan para sa
bayan ng Pagbilao ngayong araw sa pangunguna ng Ama ng Lalawigan ng Quezon,
Gob. Danilo "Danny" E. Suarez. Personal na tinanggap ng butihing ina
ng Bayan ng Mananalo, Mayor Shierre Ann Portes-Palicpic ang 10,000 food relief
packs at health coupons katuwang sina Municipal Administrator Engr. Ian T.
Palicpic, mga Punong Barangay at ang ilang mga Konsehal ng Bayan - Kons. Dita
Ayaton, Kons. Aldrien Calabia, Kons. Manuel Luna at Kons. Joseph Pinon. Kasama
ni Gob. Suarez sa pagkakaloob ng mga ayuda sina Bise-Gobernador Samuel Nantes,
Bokal Alona Obispo at Bokal Jerry Talaga ng unang distrito. Agarang ipinamahagi
sa 27 Punong Barangay ang mga naturang food packs at health coupons na nagmula
sa ating Pamahalaang Panlalawigan. Kaisa ni Gob. Danny Suarez si Mayor Shierre
Ann Portes-Palicpic at ang buong bayan ng Pagbilao laban sa kampanya sa
pagsugpo ng coronavirus.
