The Official Website of the Municipal Government of Pagbilao, Quezon
  • pagbilaogov
  • pagbilaogov
  • Call Us

Blessing and Inauguration of PMEP

March 04, 2020

News

Matagumpay ang isinagawang Blessing and Inauguration of Pagbilao Mangrove Experimental Forest View Deck, Board Walk, Pavilion and Multi-Purpose Hall noong Marso 4, 2020 sa Brgy. Ibabang Palsabangon. Dumalo ang Lokal na Pamahalaan ng Pagbilao, Department of Environment and Natural Resources (DENR), Provincial and Tayabas City Environment and Natural Resources, at Sangguniang Barangay ng Ibabang Palsabangon at ilang sangay ng Pamahalaang Panlalawigan sa nasabing aktibidad. Taos-puso ang pasasalamat ni G. Ramil Limpiada ng CENRO Tayabas na nagbahagi ng naging simulain ng proyekto sa administrasyon pa ng dating Ama ng Lalawigan at ngayon ay Congressman ng ikalwang Distrito Kgg. David "Jayjay" Suarez na solid ang naging suporta at pagtulong gayundin sa Provincial Government Environmental and Natural Resources Office (PGENRO) na kanilang naging kaagapay sa nabanggit na proyekto. Dagdag pa sa kanyang pagbabahagi ay ang ilang improvements na kinakailangan sa lugar. Para naman sa mensahe ni Mayor Shierre Ann Portes-Palicpic na kinatawan ni Municipal Administrator Engr. Ian Palicpic na gawaing ito ay remarkable para sa mga PagbilaoWINS at maging sa lahat ng kalalawigan ng Quezon kung saan ang bayan ng Pagbilao ay makilala hindi lamang sa mga power plants bagkus sa mga ganitong uri ng makapaligirang lugar, isang balanseng bayan na laging handa sa mga development ng kapaligiran. Samantala sa naging pananalita ni Kgg. Danilo E. Suarez, Gobernador ng Quezon bilang tugon sa mga pangangailangan ng lugar ay dapat bigyang pansin ang mga magpapaganda sa atraksyon gaya ng pagpapa-aayos ng kalsada sa pakikipagtulungan sa Provincial Engineering, magandang signal reception at maging ang problema sa kuryente. Panawagan niya na bigyan ng pagpapahalaga ang biodiversity at siguruhing walang magpuputol ng mangrove sa nabanggit na Mangrove Forest. Inaasahan na ang Palsabangon Mangrove Swamp Forest Reserve o kilala sa dating tawag na Pagbilao Mangrove Experimental Forest ay ang magpapausbong ng eco-tourism sa Quezon lalo na at ito ay dinarayo ng mga lokal na turista tulad ng mag-aaral at mga researchers. Ito rin ang pinaka-diversed na mangrove sa buong Pilipinas at pangalawa sa Asya.