April
5, 2021 | COVID-19 VACCINATION ROLL OUT SA BAYAN NG
PagbilaoWINS
Nitong hapon ng
Lunes, isinagawa ang isang pagpupulong hinggil sa ResbakUNA ; Ligtas-Gabay
ukol sa Covid-19 para sa lahat ng Barangay Health Workers (BNS) at Barangay
Nutrition Scholars (BNS) ng 27 barangays na ginanap sa Barangay Ikrin,
Pagbilao, Quezon.
Masusing tinalakay
ni Ate Gigi Portes bilang Resource Speaker ang mga impormasyon at
kaalaman tungkol sa kaligtasan at epektibong Bakuna kontra CoronaVirus Disease
at ang halaga nito. Si Ate Gigi ay isang Public Health Nurse at isa rin sa mga
kapatid ng ating Punong Bayan. Inaasahan na sa mga susunod na araw at buwan ay
magtutungo siya sa bawat sitio upang magpaliwanag at hikayatin ang ating mga
kababayan na magpaturok at makamit ang herd immunity.
Samantala,
ipinasilip naman ni Mayor Shierre Ann Portes-Palicpic ang Vaccination
Plan ng ating bayan sa mga dumalo. Binigyang diin niya ang mga magiging gawain
at responsibilidad ng mga BHW at BNS gaya ng Masterlisting o pagtatala ng mga
mamamayan kung sila ba ay magpapaturok o hindi; Paglalagay sa Talahanayan ng mga
naging sagot sa Bakunation Forms; Magiging katuwang ng mga Punong Barangay sa
Vaccination Sites at magiging kasama sa pagbaba sa barangay ng Team ResbakUNA.
Ayon kay Municipal
Administrator Engr. Ian T. Palicpic, sa kasalukuyan ay may kakulangan sa
merkado ng supply ng bakuna laban sa Covid pero hindi siya tumitigil bilang
Vaccine Czar na maghanap nito na daraan sa tama at legal na mga proseso.
Personal ding
dumalo sa pagtitipon sina Dr. Riki J. Tolentino, Dra Mariam Merluza,
Kasangga sa Edukasyon Kons. Dita Ayaton, Kasangga sa Turismo Kons.
Aldrien Calabia, kasangga sa Agrikultura Kons. Manny Luna at ang
Team PagbilaoWINS.
Dito sa Bayan ng
Pagbilao, Yes Kami sa Bakuna!
Kayang Kaya Basta't Sama-sama!
#PagbilaoWINS #SerbisyongPalicpic #DisiplinaMuna #BidaSolusyon
Narito ang iba pang larawan: https://tinyurl.com/5cps84jm
