Pinangunahan ni Mayor Shierre Ann Portes-Palicpic
ang Emergency Meeting nitong ika-24 ng Abril, 2020 na dinaluhan ng mga Punong
Barangay kasama ang mga bumubuo ng Pagbilao CoViD-19 Task Force na ginanap sa
Sentrong Pangkabuhayan Auditorium. Layunin ng mga PagbilaoWINS:
- Huwag nang tumagal pa ang Enhanced Community
Quaratine (ECQ) pagkatapos ng Mayo 15, 2020.
- Huwag nang madagdagan pa ang naging 2
'confirmed cases' ng Pagbilao
- Manatili ang 'zero crime rate' sa Pagbilao
- 100% 'availability and supply' ng mga bilihin
at pagkain sa palengke
- 100% 'availability' ng pagkain sa hapag-kainan
ng bawat PagbilaoWINS
Tinalakay din sa nasabing pagpupulong ang
kasalukuyang 'status' ng bayan habang hinaharap ang mga usapin ukol sa
'CoViD-19'. Tinalakay din ang datos ng bagong klasipikasyon ang 'Suspect',
'Probable', at 'Confirmed Cases' sa bawat barangay na patuloy na mino-monitor
ng ating mga Barangay Health Emergency Response Team (BHERT) at ang mga
"Precautionary Measures" na isinasagawa ng Pamahalaang Lokal. Kaugnay
nito, ang Binahaan Integrated School ay ginawang "isolation facility"
para sa mga 'PUMs' at 'Suspect Cases with mild symtoms'. Inatasan din ang lahat
ng frontliners na gumawa ng 'diary' o listahan ng mga nakakausap at
nakakasalamuha sa bawat araw bilang paraan upang mapadali ang isasagawang
'Contact Tracing' kung kakailanganin. Sa usapin naman ng Libreng Sakay para sa
mga frontliners at ng Bagsakan ng Gulay sila ay kailangang magsagot ng
'declaration form'. Pinapayagan ang lahat ng health workers na bumalik sa bayan
ng Pagbilao upang maiwasan ang diskriminasyon ng ating mga bayani sa karaniwang
panahon. Malinaw ding ipinakita ni Mayor Palicpic ang datos ng mga
ipinamahaging ayuda para sa ating mga kababayan na kabilang sa sektoral na
grupo at natapos na rin ang distribusyon ng ikatlong-ayuda ng Lokal na
Pamahalaan ng Pagbilao - ang 10 kilong bigas na may kalakip na isang libong
piso. Sa kabilang banda, ayon kay Ms. Emerita B. Madla ang Municipal Social
Welfare and Development Office ng Pagbilao ay nasa proseso na ng pamamahagi ng
'cash assistance' mula sa nasyonal na gobyerno ang 'Social Amelioration Program'.
Ipinahayag naman ni PMAJ Reden L. Romasanta na ang PNP-Pagbilao ay napabilang
sa 'Top 5 Performing Police Station' sa buong lalawigan ng Quezon. Mariing
ipinatutupad ang batas ukol sa 'mandatory wearing of facemask', 'physical
distancing' at 'illegal gambling'. At base sa 'public announcement' ni
Pangulong Rodrigo Duterte kahapon, ang lalawigan ng Quezon ay kasama sa
'extended' ang 'Enhanced Community Quarantine' hanggang Mayo 15, 2020 kung saan
nabibilang ang bayan ng Pagbilao. Tinitiyak ni Mayor Shierre Ann
Portes-Palicpic na laging may kahandaan ang bayan ng Pagbilao at malalampasan
natin ang hamon ng CoViD-19. Kayang-Kaya Basta't Sama-sama.