Isinagawa ngayong araw ang
unang delivery ng LIBRENG INUMING TUBIG sa mga residente ng Brgy. Ibabang Polo
sa pamamagitan ng mga boluntaryong 'water tanker' ni Municipal Administrator
Engr. Ian T. Palicpic. Kaugnay nito, ang mga mamamayan ay maaaring
makipag-ugnayan sa kapitan upang malaman ang mga lugar kung saan dadaan ang
'water truck'. Ang naturang 'water tanker' ay lubhang malaki kung kaya hindi
ito maaari sa maliit at makipot na kalye. Paalala sa lahat na limitado lamang
po ang pwedeng dalhin na 'container' o lalagyan upang higit na maraming
kababayan natin ang makakuha ng inuming tubig.