Mahigit 10, 200 'packs' ng pananim na mga gulay
ang naipamahagi na ng ating Lokal na Pamahalaan ng Pagbilao nitong mga
nakaraang linggo sa unang walong (8) mga barangay - Bantigue, Alupaye, Del
Carmen, Silangang Malicboy, Kanlurang Malicboy, Pinagbayanan, Sta. Catalina at
Ilayang Palsabangon. Layunin nito na maparami at mapalaganap ang pagtatanim ng
mga gulay sa bakuran o likuran ng mga tahanang PagbilaoWINS sa gitna ng krisis
na kinakaharap ng lipunan dulot ng Covid-19. Ang mga pananim na gulay tulad ng mustasa,
sitao, kangkong, patola, kamatis, talong, ampalaya, upo, labanos at kalabasa
ang ipinamigay sa mga sambahayan ng mga nabanggit na mga barangay. Ito ay
inisyatibo at direktiba ni Mayor Shierre Ann Portes-Palicpic sa masidhing
pakikipag-ugnayan sa ating Tanggapan ng Pambayang Pagsasaka sa pamumuno ni Ms.
Leonora Melendrez. Patuloy ang mga kawani ng Municipal Agriculturist Office
(MAO) sa isinasagawang 'repackaging' ng mga pananim na gulay upang ipaabot sa
iba pang barangay sa bayan ng Pagbilao. Sabay-sabay tayong magtanim upang
tayo'y may anihin!
