PagbilaoWINS Public Transport Route Plan at PUV
Modernization, pinagpulungan
MARCH 9, 2021 | Nitong hapon ng Martes,
tinalakay ang Formulation of Public Transport Route Plan (LPTRP) ng
Pagbilao na pinangunahan ni Municipal Administrator Engr. Ian T. Palicpic,
Vice-Chairperson LPTRP; katuwang si MPDC Jan Luke Patrick Go na ginanap sa
Administrator's Office Conference Room.
Aktibong dinaluhan ang LPTRP Meeting nina Councilor
Manny Luna, MDRRMO Delfin Magana, MLGOO Noemi Pelaez, PB Jorge Glorioso, Sir
Arnold Baldeo, PSSG. Manuel Veluz, G. Ernesto R. Luce Jr. at kasama mula sa
PTSC, kinatawan ng LTFRB, Engr. Ryam Tolentino at Sir Jan Indal na pawang mga
miyembro ng naturang komitiba at ng Technical Working Group.
Inisyal nilang tiningnan ang Strengths-Weaknesses-Opportunities-Threats
o SWOT Analysis upang i-assess ang kasalukuyang kalagayan ng Pagbilao at
makapagplano ng bago at ukmang stratehiya. Dagdag pa dito, inilahad ni Sir
Patrick Go ang Traffic Survey at Passenger Survey na kanila ring basehan ng
pagpaplano.
Kaugnay nito, nabuo ang konseptong magkaroon ng
Centralized Terminal at ang rekomendasyon na Bukal-Bigo Route bilang dagdag sa
mga kasalukuyang ruta.
Naging bahagi rin ng talakayan ang PUV
Modernization o planong pag-uupgrade ng pampublikong mga sasakyan para sa mas
organisadong sistema ng transportasyon sa ating bayan.
Inaasahan na magkakaroon ng kasunod na pagpupulong
ang Pagbilao Public Transport Route Plan sa mga susunod na araw.
Kayang Kaya Basta't
Sama-sama!
#PagbilaoWINS #SerbisyongPalicpic
Narito ang iba pang larawan: https://cutt.ly/kzWkxs3