Katuparan ng Pangarap na Day Care Center para sa
Barangay Bukal
MARCH 4, 2021 | Nitong umaga ng Huwebes,
pormal nang isinagawa ang Groundbreaking Ceremony sa itatayong DAY CARE CENTER
na pinangunahan nina Mayor Shierre Ann Portes-Palicpic; Municipal Administrator
Engr. Ian T. Palicpic; Municipal Engineer Ryam J. Tolentino; PB Privado Carlos;
Mr. Ricky Escame, Project Head, Corporate Initiative and Advocacy Department;
at kanyang mga kasamahan mula sa National Grid Corporation of the Philippines
(NGCP) na ginanap sa Brgy. Bukal, Pagbilao, Quezon.
Dumalo sa nasabing okasyon sina MSWDO Emerita
Madla, Kgg. Aldrien Calabia, Kgg. Dita Ayaton, Kgg. Manny Luna, Sangguniang
Barangay ng Bukal at gayundin ang Home Owners Association upang saksihan ang
nasabing seremonya.
Sa mensahe ni Mayor Palicpic, sa magandang relasyon
nagsisimula ang magandang padaloy at ang magandang kaisipan para makita ang mga
posibleng programa. Aniya, "Sa bayan po ng Pagbilao mayroon po kaming mga
programa na tinatawag naming PAKIKIISA sa ating mga stakeholders o mga
negosyanteng nandirito sa bayan ng Pagbilao. Kayganda pong pagmasdan kung ang
pamahalaan at ang pribadong sektor kasama rin po ang mga mamumuhunan ay
nagkakaisa hindi lamang sa adhikaing mapalaki ang kita ng Lokal na Pamahalaan
pero sa adhikaing mapaganda rin ang komunidad na kanilang bagong
kinabibilangan."
Ipinaabot rin ng Punong Bayan ang lubos na
pasasalamat sa lahat ng taong nagkaroon ng papel lalo't higit sa NGCP upang
mapangyari ang matagal ng pinapangarap ng nasabing barangay sa pamumuno ni
Kapitan Privado Carlos at ng kanyang Sanggunian.
“Ang malaking biyayang ito ay talaga pong
pinagpaguran at pinagplanuhang mabuti ng mga nasa harapang mga tao sa
pangunguna po syempre ng ating mga kasamahan mula sa NGCP.” sa pagtatapos na
mensahe naman ni Municipal Administrator Engr. Ian T. Palicpic.
Isa lamang ito sa mga positibong tugon ng NGCP para
sa mga programang pangkaunlaran ng bayan ng Pagbilao sa pamamagitan ng
Corporate Social Responsibility (CSR) Project.
Kayang Kaya Basta't Sama-sama!
#PagbilaoWINS #SerbisyongPalicpic
Narito
ang iba pang larawan: https://cutt.ly/xzwoJh0
