Marso
18, 2024
APAT NA BARANGAY SA PAGBILAO, QUEZON, TUMANGGAP NG DRUG-CLEARED
CERTIFICATION MULA SA PDEA
Pagbilao, Quezon -- Apat na barangay sa Munisipalidad ng Pagbilao ang
nakatanggap ng BARANGAY DRUG-CLEARED CERTIFICATION mula sa pamunuan ng Philippine
Drug Enforcement Agency.
Kaugnay nito, mismong si Pagbilao Municipal Mayor Ate Gigi Portes
ang nanguna sa pagkakaloob ng barangay drug-cleared certification sa mga
kapitan ng barangay ng Tambak, Ibabang Polo, Silangang Malicboy, at Barangay
Bigo. Hangad ni Mayor Ate Gigi Portes na dahil sa aktibong education campaign
at partisipasyon ng iba't ibang ahensiya ng pamahalaan katuwang ang PDEA at PNP
para tutukan ang usapin ng droga, marami pang barangay sa ating bayan ang
posibleng makatanggap ng naturang certification.
Si Investigation Agent lll Romeo Asuncion Jr. ang kasalukuyang
provincial officer ng Philippine Drug Enforcement Agency. Samantala, tumanggap
din ng Plaque of Commendation ang Pagbilao Police Station dahil mula 2019
hanggang 2024 walang naitalang meritorious complaint ang pamunuan ng PNP sa
tanggapan ng People's Law Enforcement Board (PLEB).
Iba pang larawan: bit.ly/49cHwTK