JUNE 28, 2021 | Regular Flag Raising
Ceremony, pinangunahan ng Municipal Health Office sa pamumuno ni Dr. Riki
J. Tolentino
Ipinakilala ni Public Health Nurse Evelyn Isaguirre
ang ilan pang mga kawani na bahagi Rural Health Unit mula sa Nurse Deployment
Program ng Department Of Health (DOH). Samantala, inilahad naman ni Dr. Francis
Gerard Daya ang mga naisakatuparan at naisagawa ng RHU Pagbilao nitong
nakaraang taong 2020.
Ginawaran ng Plake ng Pagkilala si Municipal Human
Resource Management Officer Isabelita E. Lucila para sa kanyang nalalapit
na pagreretiro sa katapusan ng buwang ito. Kinoronahan, sinabitan ng sash at
binigyan din ng bulaklak na gaya ng isang reyna si Ma'am Bileth upang maipaabot
ang pasasalamat at pagbibigay halaga sa mahigit tatlumpong anim (36) na
taong pagseserbisyo publiko niya para sa bayan ng Pagbilao at sa mamamayan
nito.
Kasama sa mga nagbigay ng mensahe ng pagbati kay
HRMO Lucila ay sina Mayor Shierre Ann Portes-Palicpic, Municipal Administrator
Engr. Ian T. Palicpic, mga department heads, ilang malalapit na kaibigan at mga
staff ng HR Office.
Lubos na pasasalamat ang ipinahayag ni HRMO
Isabelita E. Lucila sa bawat isa na naging parte ng kanyang paglilingkuran.
Ibinahagi rin niya ang mga di malilimutang karanasan at mga naging mahalagang
ambag katuwang ang iba pang kawani ng Pamahalaang Lokal.
Ayon kay Municipal Administrator Engr. Ian T.
Palicpic, isang magandangg panimula na mayroong tatlumput pitong bangkerong
PagbilaoWINS na nakapagparehistro ng kanilang mga bangka para sa gawaing
pangturismo sa isinagawang "Mobile Registration" nitong nakaraang
linggo.
Nagbahagi naman si Mayor Shierre Ann
Portes-Palicpic ng kanilang mga naging karanasan nang sila'y nagpositibo sa
COVID-19 sa kabila ng kanilang pagiging maingat. Dahil dito, paalala pa rin
niya ang ibayong pag-iingat ng lahat ng ating mga kababayan upang hindi na
maranasan ang anumang sakit.
Dagdag pa dito, ipinabatid ng Punong Bayan ang
patuloy na pagtuturok ng Anti-Flu Vaccines sa ating mga kababayan,
pag-iissue ng Citation Tickets sa mga violators,
Ipinahayag din ni Mayor Palicpic ang pakikiisa ng
LGU sa pakikidalamhati sa pamilyang Aquino sa pagpanaw ni dating Pangulong
Noynoy Aquino. Pagpupugay sa kanyang mga nagawa para sa bayan. Kayang Kaya
Basta't Sama-sama!
#PagbilaoWINS #SerbisyongPalicpic
Tingnan ang iba pang larawan: https://tinyurl.com/4532z77w