MAY
20, 2021 | DSWD-CaLaBaRZon Regional
Director Marcelo Nicomedes J. Castillo personal na tumungo sa Bayan ng
Pagbilao para sa MOA Signing ng Yakap-Bayan Program kasama si Mayor
Shierre Ann Portes-Palicpic.
Sa isang simpleng programa isinagawa nina Mayor
Palicpic at Director Castillo ang opisyal na paglagda sa Memorandum of
Agreement ng Yakap Bayan Program bilang bahagi ng mas pinaigting na kampanya
laban sa ilegal na droga at mas pinalalim na programang tutugon sa mga
suliraning kinakaharap ng mga tinaguriang Persons Who Use Drugs (PWUDs).
Pinasalamatan ni Director Castillo ang mga miyembro
ng Municipal Anti-Drug Abuse Council dahil sa kanilang dedikasyon na
maging katuwang ng National Government sa adbokasiyang nabanggit. Samantala,
nilagdaan din ng Punong Bayan ang Executive Order No. 24 Series 2021 na muling
nag-oorganisa ng MADAC Composition. Ipinarating din niya sa kanyang mensahe na
ang YAKAP-BAYAN Program ay nauna nang ibinilang sa Executive-Legislative Agenda
na binalangkas sa ilalim ng kanyang administrasyon. Aniya, mananatiling ang mga
PagbilaoWINS ay magkakasamang haharap sa hamong sugpuin ang ilegal na droga at
sa pagkalinga sa mga biktima nito.
Kasama ring dumalo sa naturang programa ang mga
Local Official ng DILG, PNP, DepEd, Municipal Trial Court, MGAD, MHO, DSWD
atbp.
Tingnan ang iba pang larawan https://tinyurl.com/54kdy8ju