March
18, 2024
Naniniwala ang St. Catherine Community Rondalla na mas magiging
aktibo ang kanilang grupo sa paglahok at pagtataguyod ng cultural programs sa
ating bayan ng Pagbilao.
Ayon kay Susan A. Gabiola, Organizer ng grupo, hangad ng kanilang grupo
na makilahok sa iba't ibang cultural competitions para makapagbigay ng
karangalan sa ating bayan. Kaugnay nito, sinabi ni Binibining Gabiola na
sinusuportahan ng ating Punongbayan Ate Gigi Portes ang kanilang mga aktibidad
tulad ng pagsasanay sa pagtugtog ng mga instrumento ng mga piling-piling
mag-aaral mula sa Talipan National High School, Pagbilao National High School,
Pagbilao Central Elementary School, Casa Del Niño Jesus de Pagbilao, CVE at
Sacred Heart College. Mayroong 37 studyante ang St. Catherine Community
Rondalla kung saan isa si Ginoong Isidro Obmasca sa trainer ng grupo.
Iba pang larawan: bit.ly/49cHwTK
